韓國神劇《太陽的後裔》金牌編劇金恩淑執筆、李秉憲及金泰璃主演嘅tvN劇集《陽光先生》(Mr. Sunshine)，由選角、播出到結局都話題不斷，而《陽光先生》收視成績亦相當好，結局一集更創新高達18.129%，成為tvN歷年最高收視率劇集嘅第3名，僅次於《鬼怪》及《回答吧！1988》。

《陽光先生》拍足一年，所以劇組幕前幕後都變得老友鬼鬼，趁住年尾，李秉憲、金泰璃、柳演錫、金敏貞、卞耀漢等5位主演都抽空重聚，李秉憲更將眾人嘅合照上載到Instagram，立即勾起劇迷回憶，紛紛留言表示「好懷念」、「再次見到你哋合體真好」，相中又見金恩淑作家都喺現場，眾人望住手機，唔知睇到咩而笑得咁開心呢？

精選韓流，喺晒《娛果》
http://fb.com/appledailyent