【人美心更善】程瑤讚應屆亞姐幾靚 教佳麗儀態兼學化妝
蘋果日報 2019/09/25 17:05
亞姐仁美清叙筱靖程瑤
攝影：黃曉妍
「仁美清叙」主席程瑤今日與筱靖、張瑄洺和2018年亞姐香港賽區冠軍梁雪瑤接受新城訪問，程瑤指今年是「仁美」重組10周年，所以在11月有個慈善籌款晚宴，當晚更與亞姐香港賽區總決賽一併進行。目標籌多少錢？她說：「冇太大期望，朋友們覺得我哋好叻，可以如常舉行，盡力而為啦！」當晚會否表演？筱靖說：「冇呀，何生（亞視高層何麗全）誠意邀請我哋做今屆嘅評判。」程瑤透露會教佳麗們儀態、化妝和分享心得。
提到早前亞姐面試，她們直言有留意，筱靖笑說：「每一年開始都係咁，何生都同我哋講，因為為佢哋將會成為我哋嘅會員，所以何生叫我哋唔使太擔心，會挑選好嘅畀我哋。」程瑤表示有幾個面試佳麗都幾靚。
此外，「仁美」除了籌辦慈善籌款晚宴外，還會出書，筱靖說：「交代番呢10年嘅大大小小嘅活動、每個女仔嘅點滴、會員參與嘅時候遇過嘅感動大事。」有否計劃與「慧妍雅集」一起合作慈善活動？程瑤坦言：「有好多可能性，我都唔排除，我同佢哋嘅女仔都好熟。」
採訪、攝影：黃曉妍
「仁美」重組10周年，所以在11月有個慈善籌款晚宴