柯震東同房祖名喺2014年於北京吸毒被行政拘留，前者拘留咗14日，後者加多一條藏毒罪，被判處刑期6個月先放番出嚟。之後廣電總局正式下發被稱為「劣跡令」的通知文件，佢兩個參與製作嘅電影、電視劇、電視節目、廣告節目、網絡劇、微電影等，都列入暫停播出範圍。

不過解封呢啲嘢，同人類心理一樣，好難捉摸嘅，好似舊年房祖名同佢老竇成龍主演嘅《鐵道飛虎》可以如常上映，證明佢已被解封。

至於犯事比佢輕、講過「吸毒一世留疤」（新聞連結： http://bit.ly/2wYw1hZ ）嘅柯震東就冇咁好彩，傳過被解封，但之後又好似唔係，佢舊年仲被拍到喺橫店影視城開工時黑面，心情唔多好咁（新聞連結： http://bit.ly/2xkdM9a ），就連佢舊年拍嗰套大陸劇《舞櫻》好似都冇運行，該劇早排送檢俾廣電局叫停，原因係柯震東仲未解禁，由於呢齣劇大陸投資方用咗億幾嚟拍，如果真係上唔到，損失都幾慘重。