周三（20日）谷草九場賽事，用最狹窄之C加3欄作賽，天文台預測有雨及雷暴，或有機會跑變化地。

睇番最近4月22日同一移欄賽事期間亦有雨，後半段掛牌為好至黏地，賽果具參考性。

當晚內叠前置仍然佔優，尤其是1000及1200米短途賽更明顯，其中「幸運大兄」及「南區寶」一放到底，而尾兩場皆由守前三位入直路之馬匹包辦連贏，故此具前速之中內檔馬要秤先。

今戰列陣馬中，第四場三班1000米，「奮鬥同心」上場正是於4月22日谷草C加3欄列陣，雖然外叠望空照贏，等番同一移欄再跑，有力再下一城。

另外，尾場二班1200米，「君達星」三次跑谷草C加3欄全勝，快放馬藉跑道形勢之助可再贏。