【新增龍心內容及圖片】
韓國男團JYJ成員金在中昨晚於亞博館開騷，除了表演《Rotten Love》、《Kiss B》、《Mine》等歌曲外，又送花冧粉絲，提早跟粉絲慶祝白色情人節。

金在中於聊天環節中自爆有時會幾日都不洗澡，他透露：「正常會一日沖一次，有時會一日兩次，但唔需要工作、宅喺屋企時，我可以兩三日都唔沖涼。」另外，被問到何時推出中文專輯，金在中回應：「推出一張中文專輯要好多時間，唔係容易嘅事，但係出一、兩首中文歌嘅話就有可能，之後可以計劃吓。」

金在中除學講廣東話「叉燒飯好好食」、「香港嘅粉絲我好掛住你哋」等冧港迷外，更即場學寫「平安喜樂」、「幸福如意」、「諸事大吉」等中文字。主持大讚金在中的中文字寫得非常漂亮，他解釋：「因為喺日本活動時有寫過漢字。」

另外，金在中跟幸運粉絲玩「大電視」，之後又首次挑戰紮花，親手製作三束鮮花冧粉絲，不過金在中就坦言非常緊張，他更紮花紮到滿頭大汗。金在中之後見有鮮花多出來，他再抽出多名粉絲，金在中見到抽中男粉絲時，就非常興奮，之後又笑言：「一個男粉絲抵得上十個女粉絲。」解釋因為男粉絲多數都是一個人去見面會，非常難得。

金在中隨後換上另一套衫唱歌，雖然粉絲一直要求他除衫，但金在中拒絕：「除衫？唔得，0依家太瘦。」最後金在中唱出《I'll Protect You》，圓滿結束今次港騷。

此外，在亞博館門外，《蘋果》記者就發現龍心戴住閃燈兔仔耳兼拖住手拉車出現，原來他企在會場出入口兜售燈牌等應援物品，有兩個保安員出來請他離開，指現場不可以兜售物品，龍心亦乖乖聽話離開，但不夠5分鐘他又再次企出門口繼續開檔。現場所見他的生意認真不錯，他亦自誇賣了不少貨品。

-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef