當年今日
關於我們

家宅男女之揀邊科:摩卡壺泡咖啡油 新手都掂

蘋果日報 2011/11/15 00:00


晨早一杯甘醇咖啡總能排眾而出,任其焦香氣息鑽入鼻腔,人都醒神啲。自己動手冲,將幾十元至數千元一部咖啡壺、咖啡機私有化,最重要係唔使再捱「聞落頂呱呱、飲落叫阿媽」嘅劣啡!

記者:朱崇德
攝影:楊錦文、劉永發
Model:[email protected]
入門壺 冲中至粗研磨咖啡粉
empty
玩咖啡好富貴?問iCook廚具達人Max:「唔使一下子花幾千蚊買部全自動或半自動咖啡機,有時舊式全手動,更能享受到冲泡過程。五分零鐘冲好一杯,整件事充滿玩味;介紹大家入門三款,可以冲泡中度或粗度研磨咖啡粉。」
empty
■iCook廚具達人MaxWu
Max教室:DIY泡沫
齋啡少玩味?iCook廚具達人MaxWu話,喺屋企都可以輕易來杯泡沫豐富嘅Cappuccino,最基本條件係:「屋企要有部微波爐同全脂牛奶!」
empty
1.將75ml全脂牛奶叮三十至四十五秒,微微出煙即可,勿大滾。
empty
2.呢個時候用手動或電動打蛋器輕輕打即可輕易起泡。
empty
3.將幼滑泡沫倒入咖啡表面即成!
1.意式蒸餾摩卡壺 易出油香
即傳統意大利咖啡壺,三層爐身,底層注水後直接放爐上細火燒,沸騰水蒸氣高壓推過中層咖啡粉,就會變成濃度如Espresso嘅咖啡凝聚於頂層!設計同半自動式咖啡機有啲似,冲出嚟嘅咖啡係三款中最能冲泡出咖啡油,口味較濃重。
empty
意大利BIALETTI六杯裝鋁質蒸餾咖啡壺$299/a
BIALETTI為首間以鋁材製造出史上第一個家用摩卡壺嘅代表品牌,其八角形設計可以話係經典。
2.法式壓濾壺 水溫90℃
高瘦玻璃圓筒配活塞式濾器,將約90℃熱水及咖啡粉注入圓筒內泡五到七分鐘,等兩者有充份時間接觸,然後才以活塞濾器將咖啡粉壓到底部就有靚咖啡飲。適合初學人士,可以話係簡單快捷就可以冲到杯風味咖啡嘅選擇。
empty
英國LACAFETIERE八杯裝玻璃咖啡壺$199/a
來自英國老牌LACAFETIERE的出品,中間壓濾層做得份外幼細,過濾時就唔易滲咖啡渣影響咖啡口感。
3.越式滴漏壺 先浸後泡
買越式咖啡粉多隨包裝附送,係大家最易接觸嘅款式。一般以銻做的面層較易氧化,不銹鋼靚版上海街唔使五十蚊。使用時留意先用小量熱水浸濕咖啡,待分零鐘讓咖啡粉發起,再分三次以打圈方式注入水,就最能冲出咖啡真味。
empty
越式咖啡壺$45/b
上海街平中之霸!香港好多越式餐廳都係用緊佢,全不銹鋼設計,易清理又唔會生銹。
家用推介
empty
CITIZ&MILKC120$3,388/a
入門級Capsule機,玩一粒粒獨立包裝咖啡粒(Capsule),三千頭仲可以自己打埋牛奶泡沫,整體玩法好全面。
empty
KRUPSEA8080$6,880/a
都係喜歡咖啡豆,德國品牌KRUPS可以一諗,鋼水硬淨,由磨豆到冲泡一手包辦,仲有熱氣噴嘴打泡沫,呢個規格好些機要過萬。
empty
HARIO虹吸式咖啡壺$684/a
要冲泡較幼細磨研咖啡粉就要有個虹吸式咖啡壺,較長嘅浸泡方法可以冲出較細緻嘅咖啡層次與味道。
empty
HelloKitty版摩卡壺$299/a
BIALETTI於一田CoffeeFair推出HelloKitty特別版,係一個破格Crossover。
empty
BH-A141四人電熱摩卡壺$560/b
台產電動摩卡壺,同BIALETTI設計無乜分別,但玩全不銹鋼同插電,價位非常抵玩。
最堅野生貓屎咖啡
得機無咖啡,冲乜先?講到香港人嘅咖啡,一定要識榮陽(1929年)!佢係香港第一家自己烘焙咖啡豆嘅公司,負責人黃冠樺(咖啡黃)近年引入咖啡中嘅極品、印尼蘇門答臘100%野生麝香貓品質,更為首家獲印尼領事館認證:「咖啡豆經麝香貓腸道消化,豆中蛋白質被分解,令到咖啡中苦澀味盡去;再經過乳腺體令咖啡豆產生有如麝香獨有味道,好濃烈,飲完後久久不散!市面好多麝香貓咖啡都係『養貓』所出,由於佢哋食齋(水果),絕對唔及野生麝香貓咖啡獨有風味!」想試「咖啡黃」親手冲泡出品?沙田一田百貨搞咗個「世界級貓屎咖啡品嚐班」,日期為11月20日,只要在一田CoffeeFair購買$200咖啡商品就可報名,名額有限,額滿即止!
empty
■榮陽咖啡董事總經理黃冠樺(咖啡黃)
empty
■榮陽麝香貓咖啡每100克$1,440/a
UCCNO.1特選藍山咖啡豆$750/a
UCC咖啡中、原粒咖啡代表作!一街都話自己賣藍山咖啡,須知90%牙買家藍山咖啡出口都掌握在日本人手上,想試真風味?日本品牌無走雞。
empty
香醇蒸餾咖啡粉$85.9/a
為二百五十年老舖AnticoCaffeGreco出品,較重口感,玩極度幼細磨研度,咖啡味尤為突出。
empty
日本NESCAFE即溶生豆咖啡$29.9/a
今年9月最新出即溶咖啡口味,生咖啡豆溝烘焙過嘅咖啡豆,口感有啲似豆漿咖啡!
empty
日本NESCAFE即溶果仁朱古力咖啡$23.9/a
果仁朱古力咖啡只要用熱水一撞,就會冲起半吋高厚厚泡沫!
empty
a.一田(26941111)  
b.晚記(27804388)