韓國SM事務所旗下藝人有當紅組合EXO、少女時代、SuperJunior等等，令公司業績越來越理想，而日前SM公佈今年前三季度累積銷售額就創歷史最高紀錄，有2,360億韓圜（約15.8億港元），純利潤亦達到343億韓圜（約2.3億港元）。值得注意嘅係，前三季度嘅純收益總額已幾乎逼近去年一整年嘅收益金額，認真厲害。

當中EXO被指係最大功臣，而外界就關注佢哋收入分配會唔會隨着鹿晗、Kris同Tao相繼退隊後有所改變，事關以2013年上半年為例，EXO收入有85億韓圜（約5,700萬港元），SM事務所就按7：3分配（7係公司，3係藝人），結果EXO總收入為25.5億韓圜（約1,700萬港元），平均每人收入約2.31億韓圜（約155萬港元）。