李日朗、崔碧珈及Joe Junior等昨晚到長沙灣為《抗疫慈善音樂會》演出，李日朗與崔碧珈首度合唱，李日朗說：「佢揀咗我同Mandy（蔣雅文）嘅《相對論》，其實好多fans成日叫我唱返嗰時啲合唱歌，不過我一個人唱唔到㗎嘛。」

記者提議他們組成合唱組合，擅長彈鋼琴的崔碧珈說：「我彈開古典歌，冇乜流行曲嘅sense。」李日朗即自嘲從來未流行過：「希望有機會真係可以合唱。」他呼籲大家對疫情切勿掉以輕心，認為只是過了一半，後半仍要靠大家多留家中，避免人潮聚集。

今天是母親節，崔碧珈表示會留在家中陪母親：「唔出街食啦，不過我煮嘢食係零，可能會淥菜、烚蛋畀媽媽食，佢三高又食齋，呢啲啱佢。」李日朗表示會回家與母親慶祝：「不過我諗住叫外賣，唔使媽咪咁辛苦洗碗。」他笑言早前留家自我隔離其間，已得到廚藝成就解鎖：「我識整最少5款厚多士㗎。」

崔碧珈早前被拍得與外籍猛男在沙灘做運動，她解釋對方是新加盟的藝人：「佢老婆同小朋友我都識㗎，而家感情世界好空白。」記者笑指身旁的李日朗感情世界豐富，他說：「係圓滿，同女朋友都2年幾，難得有個咁好嘅女朋友，自己都要成為更好嘅男朋友，好男人，好老公就要再學習吓先。」

採訪、攝影：盧妹

-----------------------------
App內1-Click訂閱《蘋果動新聞》
按此了解更多