【子健蘋馬】睇埋公佈體重冇跌！「葵涌精英」可以贏番場
蘋果日報 2019/12/20 20:40
沙田巴度子健蘋馬葵涌精英體重冇跌贏番場
葵涌精英（粉紅綠帽）近兩戰均在巴度胯下入位
今次（21日）沙田第三場五班1200米，「葵涌精英」前仗田草同程，先錯在自己慢閘，繼而墮入塞車陷阱，上仗轉爭谷草，無運抽外檔，又被逼採取被動跑法。
此駒這兩場只能屈居第三，顯然都輸在自己或形勢不利，而牠可以一再克服劣勢上名，證明之前強調跑1200米最好，確無睇錯。
今次「葵涌精英」隔17日再報田草1200米，相隔時間雖短，但復課操練正常，有出大圈跳兩課慢工夫。
我唔求快，但求有跳，唔係齋做慢踱，大致合乎要求，睇埋公佈體重無跌，更加放心。
巴度今次再騎兼抽4檔起步，只要唔慢閘，唔會太落後，降低蝕形勢及偏差機會，便有望發揮出真正實力，可以贏番場。