胡諾言日前為《溫哥華華裔小姐競選2018》擔任司儀，同樣係華姐出身嘅鍾嘉欣（Linda）就做評判，仲有黎諾懿做表演嘉賓。胡仔話多年前同諾懿合作拍無綫劇集《十兄弟》，轉眼11年，笑言大家已由o靚仔變大人，佢話﹕「佢係千里眼，我係大力三，但拍完之後就各有各忙好少見面。以前兩個都係o靚仔，現在各有家室，見面傾湊仔經，真係光陰似箭。」胡仔又大讚Linda樣貌身材不變，佢話﹕「嘉欣都好耐冇見，佢完全冇變，o依家做咗少奶奶。」

胡諾言喺溫哥華逗留幾日，期間仍有抽空接受李婉華訪問，佢話大家有好多共同話題，已約定婉華將來返香港，就會亮相胡仔有份主持嘅《流行經典50年》，並開金口獻唱。

而26歲嘅2號林昀佳奪得冠軍，佢係台灣最大直播平台嘅主播，亞軍同季軍分別係23歲嘅1號李天懿，同26歲嘅7號赫英彤。

精選娛聞，喺晒《娛果》
http://fb.com/appledailyent