永恒策略(764)揸住嘅中國星(326)起勢升,永恒超級肥仔水。永恒公佈冇耐,話計劃行使中國星CB換股,及沽出換股後中國星38.3億股,每股成本價0.14元。中國星股價呢期發力,現價(0.241元)比永恒每股成本價,高出近0.10元。單係呢壇製作,永恒嘅潛在變現,高達9.2億銀,賬面增值/獲利,亦高達3.8億元,永恒市值幾多?3億銀咁大把!又永恒本身亦已經揸住淨現金9億銀,連埋潛在變現,永恒淨現金將高達18億銀,相當於每股6蚊,永恒家陣幾銀?講緊得0.96元。係咁意計數,永恒翻一番到1.90元,未有耐上到本身每股淨現金值3蚊,翻兩番到3.80元,亦係未有耐上到連埋潛在出售中國星權益反映嘅每股淨現金6蚊。吸引冇?