當年今日
關於我們

【韓流】EXID九展騷被搞到眼濕濕 廣東話冧港迷:我愛你

蘋果日報 2017/06/18 11:30

九展EXID

韓國女團EXID四位成員Hani、LE、正花及慧潾噚晚喺九展Star hall舉行粉絲見面會《EXID ASIA in HONG KONG 2017》,佢哋喺現場先後獻唱七首歌,又先後玩三個遊戲,同港迷歡度兩個多小時。
成員Hani去年3月單拖來港,佢話當時已感受到香港粉絲嘅熱情,而正花亦話今次喺機場時已能夠感受到大家嘅熱情,令佢哋都大感興奮。之後EXID就喺現場分享私人照片,當LE分享私密照時全場即時好大反應,原來佢好大方將之前喺芭提雅影嘅三點式同粉絲分享,不過其他成員見到就搞笑地想遮住螢幕,事關平日喺手機上睇就唔覺有乜問題,但一放大咗就好誇張。
而四位成員仲即場互數成員之最,當中講到最心急就成員就非LE莫屬,正花仲踢爆如果唔夠快拎嘢畀LE,佢仲會發脾氣0添。至於最為食同從容嘅成員,慧潾即自認,仲大爆自己成日不停食野及成日遲到,所以可能比較從容。講到成員中嘅大喊包,就要數因病而停工嘅率智,而最愛扮靚就係Hani,最正面就係正花。
到同粉絲分組玩遊戲時,成員同粉絲都好有默契,佢哋仲要鬥食wasabi蝦餃,之後要扮食唔到wasabi,睇下邊隊扮嘢最叻,點知LE食到wasabi蝦餃,但佢就死忍住眼水,但最終都失敗。到伸手入黑色箱拎出硬幣遊戲,因為箱內有唔少肉酸嘢,所以都令到成員嚇得花容失色,場面搞笑。
當見面會到尾聲時,EXID喺現場睇返以前嘅片段,當佢哋一拎轉頭望返觀眾,即見到全場觀眾舉行橫幅,令佢哋大為感動,眼淺嘅LE仲引不住眼濕濕,其他成員都表現好感動,之後佢哋就以廣東話同粉絲講:「我愛你」,亦希望下次來開騷會更加完美。
而全晚以有「女漢子」之稱嘅Hani表現最豪爽,佢喺台上仲一度將自己飲過嘅水畀男粉絲飲,不過男粉絲驚其他粉絲呷醋先唔敢飲偶像口水尾。Hani喺台上仲不慎露出黑色打底,非常性感。
empty
LE晒泳照
empty
empty
empty
同粉絲好合拍
empty
empty
場面搞笑
empty
Hani(左)嚇到花容失色
empty
又唱又跳
empty
大擺誘人甫士
empty
Hani露黑色打底
empty
港迷準備橫幅撐EXID
empty
LE被粉絲搞到眼濕濕
empty
EXID希望下次開騷更加完美