【感受畀女圍】Ian@MIRROR與200歌迷 銅鑼灣預祝白色情人節
蘋果日報 2020/03/12 22:53
新歌ian陳卓賢Mirror
（攝影：陳俊強）
MIRROR成員各自單飛推新歌，一班兄弟是敵是友齊齊競爭，成員陳卓賢（Ian）早前推出新歌《正式開始》反應叫好，連日來忙於宣傳，今晚到銅鑼灣街頭一個大銀幕下，與超過200名fans一齊欣賞MV，為預祝白色情人節，Ian更準備了100枝紅玫瑰送給歌迷，可惜不夠分。
Ian的宣傳MV，過兩日會在大銀幕落幕，他特意到來影大合照打卡，手持玫瑰花的Ian尷尬表示：「10幾歲送過花畀女友，當時睇戲個個女仔都鍾意收花，相隔10幾年冇買過花。」Ian現時沒拍拖，工作忙之餘又未遇到合適對象，並笑說：「No time No target，一直時常同MIRROR班兄弟一齊，好少同女仔接觸，畀仔圍多。」Ian坦言今晚可以好好感受畀女圍的感覺。
能夠和fans近距離接觸，Ian事前十分緊張：「驚人多，見大家都好乖，戴晒口罩，初頭都有擔心，大家注意安全，唔好太多身體接觸。」另一方面Ian正籌備新歌，曲詞一手包辦，他否認因資源不足要親自上陣，反而一直想忠於自己創作，難得公司信任給予機會，令他增加信心。
MIRROR成員Ian，今日到銅鑼灣與超過200名fans一齊欣賞MV。
Ian笑言可以好好感受畀女圍的感覺。