因為夠「份量」，傳媒喜歡找施永青評論樓市，準繩度有幾高?「無時準！」當事人自己形容。施永青說從來都是傳媒找上門，他從不主動評論市，「每一個嚟訪問嘅我都警告佢，你要向讀者負責，唔該你好好話俾你嘅受眾聽，警告佢哋唔好信施永青講嘅嘢!」原因很簡單，根據量子力學的『不可測理論』，沒有人可預知將來。

「我講(評論樓市)係因為你哋嚟問我嘅，對於將來，人係無預知能力嘅，你想參考我意見，我只係講心裡話，呢一刻我咁認為我話你聽，咁我今晚返去發個夢可能我會改變主意，但我無機會再話番俾你嘅受眾知…同我算帳無用，我都提醒咗你係唔靈㗎！」他說，只可惜每次的免責聲明都沒有被寫出來，今次訪問，他估計也不例外。

雖說不準，但依然有「信眾」，施永青自己認為，或者是他準的次數較其他人多些少，又或者是他根本唔準但聽落似乎有道理，「亦可能係我個人嘅投資，起碼喺地產，都叫成功，啲人咪覺得呢條友唔會太差卦!」不過他提醒「信眾」，「每個人嘅處境唔同，你跟我係無用!」

有別於多數人，施永青的地產投資策略是「貴買平賣」，目的只有一個，就是把握時機。「做投資時機比價位重要，但好多人做投資只掛住睇價位唔睇時機…」而因為他要把握時機，所以就得犧牲價位。

訪問：高明輝
撰文：何凱兒