亞視無限復活！雖然已經摺台，但就借App還魂，亞洲電視數碼廣播今日喺宣佈推出「ATV亞洲電視App」。App目前已在iOS和Android上架，並且立即進行試播，預計1月29日正式開台。

亞洲電視行政總裁吳雨今日喺活動儀式上面，表示十分好高興，佢話抱住一股熱誠，之後仲台上分享佢被亞視前身麗的「叮」過三次，佢話：「回想自己喺幾十年前，試過3次去見工，係亞視前身麗的電視，三次都唔請我，唔知係咪樣衰，兩次見PA，一次見場務。月薪一千減到500都唔請，唔知自己係咪樣衰，考驗我嘅忠誠同信心，呢份工對我好重要，好高興嚟到亞視。」

講到亞視嘅新模式，佢話：「上星期亞視獲法院批准重組成功，OTT數碼形式，手機電腦可以睇到，今日亞視正式成立，apps今日開始試報，明年1月29日正式啟動OTT，24小時廣播，個名叫亞視A1台，仲會有點播區，兒童、音樂、體育，係唔同嘅付費節目。」

更多娛聞，喺晒《娛果》
http://fb.com/appledailyent