【積奇觀操】馬身紮實勁力貫注 老馬呈迴光勇靠潘頓補中
蘋果日報 2019/12/18 13:38
潘頓文家良晨操歡樂小子積奇
文家良馬房近三個賽馬日都有馬入Q，今季直至現時為止他已取得八場頭馬，若希望可脫離練馬師榜下半版，未來必須繼續努力。
文廐周六（21日）共有五匹正選馬出戰，其中有三匹馬均於今晨（18日）進行最後試跑，《蘋果馬經》晨操專家積奇對他們的狀態均有不俗評價。
「電子群星」蔡明紹跳兩段，戴頭罩，沿欄扣實，電算機前自動加速，墜手湧住去，過終點猶有餘勁，表現出色。
「凱旋戰士」黎海榮跳一段，戴頭罩，急步搶走造快時間，加強操練狀態有進。
「歡樂小子」潘頓跳兩段，走中檔，慢開直路大步檻過，馬身紮實，淡定勁力貫注，馬房操養得宜，狀態仍相當靚。
「歡樂小子」上仗升班角逐，在黎海榮胯下追入一席第二，證明老馬呈迴光之勇。今次重新由潘頓壓陣，大有機會補中而回。