如果唔係無綫套穿崩劇《雷霆掃毒》，大家都可能唔記得喺亞視劇《我和殭屍有個約會》做殭屍仔嘅況復生。呢位亞視童星張國權，唔經唔覺已經23歲，最厲害嘅，原來佢已經喺啱啱過咗嘅光棍節
求婚成功，喺微博度貼相訂盟誓。

復生話：「11.11.2012係我哋一周年，亦係我向你求婚嘅日子，我會愛你一個一生一世，期待下年和你的婚禮。」萬綺雯喺微博留言話：「激動得差點哭了出來！想不到終於有契新抱茶喝了！復生啊！要抓緊幸福啊！！無論日後的路如何，也要好好對待契新抱啊！恭喜恭喜！」

恭喜晒，殭屍仔！