【本報訊】香港大學學生會上周舉行幹事會重選，經兩日點票後公佈的結果顯示，各職位候選人均未能獲足夠法定票數，學生會將繼續「缺莊」並由4名秘書繼續署任。不過，財務秘書候選人「隱形左派」陳一諤及其同伴、會長候選人盧重匡卻輸打贏要，向評議會要求將廢票翻生或將學生會會員基數減少，變相令兩人持票比例增加至足以揸莊。有「老鬼」質疑陳、盧二人或會改變既有立場，擔心一旦陳主掌財政，學生會民主基金將不再支援民運活動。

陳一諤出陰招謀掌財政

據了解，陳一諤及盧重匡二人分別欠42票及70多票才符合當選法定最低票數，評議會主席譚振聲指，昨收到二人相同投訴，指對選舉票數存疑，他們要求重新修訂大會人數，將部份如到海外交流的交換生剔除，「舉例如果家將500個海外生減走，咁陳一諤嘅票就夠過。」譚指本周四評議會將處理投訴並作決。
學生會前內務副會長成曉宜指，擔心兩人一旦執掌學生會，將改變學生會立場，「陳一諤早前講明唔會收番六四立場同道歉，而財務秘書係負責為個中國民主基金把關，基金支援同學搞民主運動，好似做六四特刊咁，如果由佢（陳）把關唔知會點。」
對於日前有報道指豎立在黃克競平台的國殤之柱，因大學百周年校園工程而必須遷移，成曉宜表示，去年已就問題與校方磋商，校方提出3個過渡遷置地點，與原址相距數十米，工程完成後國殤之柱將繼續放置校園內，「我估計今個月要決定放喺邊，家最擔心反而係條柱嘅結構。」