今日係2011年第一次同大家見面，士佳在此先祝大家新年進步，在股場上節節勝利。
去年港股忽陰忽晴，上半年受美國復蘇勢頭轉壞，以及歐債危機所影響，反覆下跌至19000點才見底，下半年由於一直憧憬美國推出QE2，大市曾有段「蜜月期」，不過到QE2落實後不久，新興市場紛紛嚴陣以待，中國除多番加存款準備金率外，同時終於跟隨其他新興國家步伐，藉加息以防止經濟過熱及通脹失控，結果，港股年尾又輾轉跌到23000點徘徊，全年有波幅、無升幅。
展望今年，由於外圍經濟環境看來時好時壞，內地亦積極調控，不少投資者擔心今年會繼續是上落市，筆者亦認同上述因素會繼續每隔一段時間，便會成為市場炒作藉口。

加息周期股市續升

不過整體而言，士佳是較為樂觀的，我估計短期的低位最多只會是略低於250日線，如21000點，甚至可能已經見底，至於高位，估計最低也會到27000點。
筆者統計了過往紀錄，發現自1986至2010，未曾連續3年波幅是低於前一年，2009年波幅低於2008年，2010年6000點的波幅也低於2009年，所以今年高低波幅最少應有6000點，而且過往美國總統上任後第3年上升機會遠大於下跌，因此得出高位最低是27000的結論。
當然任何估計都有漏洞，不過從大市估值看，27000也並非大膽預測，最大的障礙只係市場成日怕加息，不過經濟唔好邊有得加，而過往逢加息周期開始，股市都繼續升，所以頭半年應毋須擔心。
早前本欄提及由於有粉飾櫥窗效應，即使可以在12月上升的個別股，表現也不能作準，但大家如見這批個別股在本月仍再上升，便需多加注意，因它們很大機會可在頭半年跑贏大市。
今個星期，如果相信全年會升，1月效應會出現，尤其上年最尾幾日，在氣氛一般的情況下都可以反彈，估計呢幾日都會係一個小蜜月期。
張士佳
寶來證券（香港）董事　投資服務部
本欄逢周一、三、五刊出
mailto:[email protected]