賭王何鴻燊四房孻仔何猷君與新加坡富商、西甲華倫西亞班主林榮福的千金Kimmy Lim火速撻着，猷君和Kimmy戀得火熱，早前陪完家人到悉尼倒數後，火速飛去新加坡給女友一個驚喜。Kimmy為男友製造不同驚喜，玩完摩天輪，夜晚搞了一個surprise party，提早為下周二生日的男友預祝21歲生日。
有讀者昨日透過「爆相爆片」提供了兩張在周三當晚的生日相，Kimmy知道男友鍾意彈鋼琴，專登訂做一個三層的鋼琴造型蛋糕，相中見到Kimmy和猷君有如一對新人齊齊切蛋糕，蜜運中的猷君笑得開心，sweet到爆！

「好有心思」

猷君昨回覆本報：「平時每年去一次新加坡，我有個best friend喺嗰邊住，平時啲club星期三唔開，Kimmy好有心思，為咗我搞呢個surprise birthday，搞咗好多好多嘢，特登幫嗰間club promote做DJ，扮到成個event，請埋新加坡no.1個DJ叫Tinc，犧牲咗自己個樣印落poster，人生第一次有人幫我搞過咁thoughtful的生日。」