【真係識緝毒】兩隻狗狗合演一角《踩過界》Golden有冇得爭飛躍進步獎？

蘋果日報 2017/09/02 20:12

導盲犬goldEN緝毒細佬踩過界
    王浩信喺《踩過界》飾演盲人律師，用多常人七倍嘅時間練出好多「超能力」，試過憑心跳聲分辨有冇人講大話，又試過聽到開燈嘅電流聲，同埋感覺到室溫微弱變化......
    「超能力」正常人未必練得出，不過佢喺劇中盲俠嘅寵物狗Golden，就真係接受咗3年時間訓練，仲識得好多技能。介紹番，Golden其實係兩狗共演一角，分別係4歲拉布拉多犬「細佬」，以及另一隻真正嘅導盲犬。
    Golden連續幾集被王浩信棄養、追車、被刀刺死，觀眾睇完就讚演技出眾，今日有周刊報道，話戲中嘅Golden其實就係細佬，佢嘅訓練員李先生接受周刊訪問時就話由一歲開始訓練，細佬o依家識服從指令，甚至係緝毒都得！至於劇入面嘅表情，就出於細佬自然動作，第一次演戲就交足貨，真係好有演戲天份，而另一隻Golden導盲犬就演出番專業動作特寫。
    但棄養呢個橋段，就俾人話教壞觀眾，王浩信解釋可以當係反面教材，因為佢都有搵番Golden，仲幫佢植入番晶片。
    empty
    同王浩信最多對手戲嘅Golden叫「細佬」，另外仲有一隻專業導盲犬。（劇照）
    empty
    兩隻狗好似樣，唔講未必分得出。
    empty
    細佬好有演藝天份。
    empty
    呢一幕棄養橋段，受到批評。
    empty
    仲要追車追幾條街。
    empty
    Golden喺劇中奮戰，被人刺傷，失血過多死咗。
    empty
    empty
    呢幕睇到喊，因為細佬演戲好有感情。