蘋果指出香港銷量爆跌拖累大中華地區銷售收入，記者於是到手機集中地先達視察，找到G-WorldMobile負責人劉志剛（Lo哥）了解iPhone銷情，他認為iPhone的確比以前冇咁好賣。他指出，自從去年iPhobe6s推出後，只炒了一個月就冇錢賺，因為內地和香港幾乎同步發售，於是香港銷情變差：「初初出嗰時，每部機幾百，但而家可能每部機賺3至5元，甚至冇錢賺。前年出i6嗰時，頭一日可以賣到過百部機，但到去年i6s嗰時，只係賣到幾十部機。」

少了一班大陸客及炒家幫襯，足證香港iPhone銷倩有幾差。除了炒家欠奉，連用家亦少，他透露目前很多小店都會將全新iPhone減價發售，例如一部iPhone6sPlus16gb，原價為6,388元，但他們只售5,980元，平了400多元，幾乎是無錢賺並至蝕住賣。

另外，他發現有部份客人由蘋果過檔至Android手機，去年初，用iPhone的客人大約有七成，三成用Android及其他手機，但到今年已有一成人轉會至Android手機，部份原因是因為iPhone6s的款式和iPhone相似，難以吸引客人換手機。

記者:陳新政

掌握財經生活資訊，即Like「蘋果ATM」fb專頁啦！
http://fb.com/appledailyatm