由朱智勛同秀愛主演嘅《假面》今晚大結局嘞，劇迷都好緊張，唔知最終秀愛同朱智勛嘅感情會點。噚日播出第19集，《假面》收視比起上周就下降咗成1.2%，收視有11.5%，雖然收視下降咗，但都成為同檔嘅收視冠軍，而同檔李準基嘅《夜行書生》就有7.9%，繼續排第二位，澤演同宋允兒嘅《Assembly》收視就僅得5%，包第三位。

喺噚日播出嘅《假面》中，就講到朱智勛衝入火場想救秀愛，點知最後就朱智勛就暈咗，到佢醒返時，就見唔到秀愛喺身邊，但透邊就有一件染咗血嘅衣服碎，成日想陷害朱智勛嘅延正勛就報警話朱智勛殺咗秀愛。後來朱智勛知道秀愛下落，即時去搵佢，兩人經歷咗生死即時情深抱抱。不過兩人重逢後，秀愛又要離開，兩人度過離別前嘅一夜，仲甜蜜咀嘴道別。

另外，朱智勛日前接受SBS綜藝節目《深夜的TV演藝》嘅訪問，佢仲公開咗拍《假面》時嘅趣事，朱智勛話：「我哋都好開心，因為電視劇嘅氣氛比較沉重，所以我哋之間會努力令現場氣氛愉快啲。」至於邊個會係製造氣氛嘅人，朱智勛就抵死話因為延正勛天生係冇意思嘅人，所以搞氣氛重任就落喺佢身上，即時引得全場發笑。