當年今日

隔牆有耳:湯家驊落力賣酒 - 李八方

蘋果日報 2008/06/08 00:00


商台節目《左右大局》噚日舉行賑災活動,好多立法會議員包括湯家驊同涂謹申,以及兩位有意循九西入會嘅女將李慧琼同毛孟靜都有現身,幫手拍賣紅酒。市民好有善心,底價100蚊支嘅紅酒唔使一陣就賣咗百幾支,有市民捐咗兩千蚊都係攞咗兩支酒,證明佢哋係捐錢至上。
到場幫手賣酒嘅湯大狀就出錢又出力,因為佢即席買咗箱紅酒,但價錢就唔肯透露,但相信湯大狀都唔會「手緊」得去邊嘅。現場市民亦可以捐出100蚊,同正版祥雲火炬合照,主辦單位話市民反應好踴躍,至於籌得嘅善款數字,遲啲樂施會會有公佈。