圈中唔少星二代已經大個仔大個女，佢哋都遺傳咗星級父母良好基因，好似上山詩納個囡囡Hilary咁，絕對係靚女一名，Hilary同王菲囡囡竇靖童更加friend到爆；至於三哥苗僑偉嘅囡囡苗彤，亦都標緻可人；而梁家輝嘅一對孖女Nikkie及Chole，就索到爆，兩女經常喺instagram晒靚相。

另外，關禮傑與太太嘅兩女關楓馨及關佩盈，都已經長大，關楓馨青春無敵﹑標緻可人，去年佢仲曾被拍到當街啜爆老外男友，認真sweet。而關禮傑愛喺微博晒全家福，佢哋成日旅行，去年去過愛琴海外遊充電。

噚晚關禮傑喺微博再貼一家四口旅行，今次就去咗台灣玩，相當開心，關禮傑表示：「快樂一家在台灣九份感恩」，相中兩位關家千金仲晒腿添﹗