首位在任時懷孕嘅新民黨立法會議員容海恩喺facebook話，今日佢去信立法會主席梁君彥，希望立法會行政管理委員會同議事規則委員會，就懷孕議員喺分娩時履行職務嘅安排進行討論。容海恩早前講過，希望立法會日後容許議員如有需要，可以遙距投票，或授權其他議員代為投票。

有咗約4個月嘅容海恩話，其他議會好似澳洲咁，已實施委派代表投票制度，畀放產假嘅議員可以授權他人投票，繼續處理議會工作，做法值得立法會參考。容海恩又話，立法會大樓現時只有一個幼兒護理室同一個母乳餵哺室，供議員、工作人員同工作人員使用，擔心現時設施有機會唔夠用，所以佢建議喺立法會大樓其他地方增設呢啲設施，供有需要嘅議員使用。