港姐張名雅昨日32歲牛一，這位幸福人妻的大日子，當然有老公蔡錦豪（Joe）及一對寶貝仔錫到燶，一家四口連同張名雅父母，三代同堂嘆日本餐，好溫馨。踏入生日月，好友們紛紛相約張名雅吃生日飯，她日前也撇下家人出去會閨密，成班靚太一齊玩一晚，其中有岑潔儀，張名雅今日接受傳媒訪問時笑說：「其他係闊太，得我一個要努力搵奶粉錢。」老公Joe聽到這句要識做喇。

張名雅不用開工都會親自照顧一對兒子，她日前就親往接2歲多大仔蔡浚鏗（Mario）放學，母子去行商場，享受跟前世情人拍拖，老公Joe負責湊細仔和拍照，變成多功能丈夫。問到張名雅的生日願望？她則說：「希望兩個囝囝健康快樂，爸媽同家人身體健康。大仔2歲半，細仔都就快1歲。佢哋大啲開始返學，我又放心出去拍嘢，希望多拍劇，見觀眾多啲。而家同以前唔同咗，人生去咗另一階段，有家庭、有囝囝，父母又會幫手湊孫，一切都好好，我同老公講唔使特別送禮物，但佢有畀surprise我，以前我會約幾十人開派對，今年簡單啲，分別約幾個朋友食飯，少啲人傾到偈。」

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇