當年今日
關於我們

【韓流】34歲宋智孝長期單身:好孤獨好空虛

蘋果日報 2016/02/25 06:00

蘋果單身香港真人騷韓國陳柏霖RunningMan即時宋智孝綜藝節目RMSBS我們相愛吧大仁哥

現年34歲嘅韓國綜藝節目《RunningMan》女星宋智孝,近日孖台灣「大仁哥」陳柏霖演出內地真人騷《我們相愛吧》,早前智孝接受訪問時就自爆因為好耐冇戀愛,事實上覺得好孤獨同空虛,透露自己都有一顆想被人照顧嘅少女心。

對於決定演出《我們相愛吧》嘅原因,智孝表示:「我覺得個節目能夠向唔了解我嘅內地觀眾,展現我真實一面。因為藝人嘅身份,從未有好好地約會過,如果跟戀人單獨相處時,都覺得係犯罪。想透過呢個節目,跟一般人一樣約會。」

提到跟陳柏霖「拍拖」,宋智孝說:「未曾跟外國人拍過拖,我覺得只要心靈相通、能夠互相理解,即使係外國人都可以相戀。」對於陳柏霖細自己兩歲,宋智孝即答:「年齡只係數字。」

另外,回復單身近三年嘅智孝亦坦白內心感受:「無耐之前去咗一次法國,天氣本來就好凍,加上突然想起已經很耐冇戀愛過,事實上真係好孤獨,而且有啲空虛。」

不過智孝就話佢有一個原則:「唔跟同我一樣職業(藝人)嘅男性拍拖。」即係判「周一情侶」Gary死刑?不過智孝又笑言:「但係我每日見面嘅人只有同事,想戀愛都冇辦法戀愛。」