【無懼打壓】阮民安到法院聲援王宗堯 法庭突限入場人數惹市民鼓譟

蘋果日報 2020/06/10 16:23

阮民安王宗堯孫曉嵐劉頴匡反送中
    社運人士劉頴匡、港大學生會前會長孫曉嵐和男藝人王宗堯，去年參加7.1反送中運動，2個月後被警方拘捕，被控「進入或逗留在會議廳範圍」罪，昨日接獲通知加控暴動罪，經修改後的控罪最高刑期是監禁10年，今日到東區裁判法院應訊。
    阮民安（Tommy）今午和沙田區區議員石威廉到東區裁判法院聲援劉穎匡等被捕人士，Tommy表示朋友每次出事都擔心，昨日曾和劉穎匡聯絡過：「今次佢較緊張，面對暴動指控，希望我哋人到咗，佢心會定啲，等大家知道我哋係一齊，知佢心情有啲亂。」石威廉則說：「喺facebook見到句說話好啱，唔好覺得對大家唔住，我哋經歷戰鬥對得住香港人身份，最大支持就係繼續抗爭。」Tommy補充稱：「每人崗位唔同，守住自己戰線，知道大家唔介意付出，最介意大家放棄，要堅持初心。」
    面對政府步步進逼高調打壓抗爭巿民，Tommy無懼打壓，身體力行支持，十分體諒手足不一定走在戰線：「每人承受風險力唔同，如今打壓好大，代價好大，但仍有好多嘢做到，例如文宣、撐黃店、流水式行吓街，各有各做。」
    昨晚Tommy在街上被防暴警截查，最終得以放行，他說：「冇咩啫！我又冇犯法行為，只係冇諗過一嗌口號成班癲狗，40、50個克警衝埋嚟，話我煽動，我只係嗌『光復香港，時代革命，沒有暴徒，只有暴政。』崩口人忌崩口碗，佢哋正正做緊，特別敏感，我好淡定，親身VVIP位望住佢哋發癲，都幾得意。」
    到下午2時20分左右，穿上黑衣和戴太陽眼鏡的王宗堯到來，在法院門外和一班支援友人打招呼，在場有人大叫加油，臨入法院前王宗堯脫下墨鏡接受大家祝福，並說出「加油」。
    今日法院情況緊張，大批巿民排隊一早到場等候入庭旁聽支持，而法庭亦採取特別人流控制，限制傳媒入庭人數，每間媒體只能派出一位代表，預先登記攞籌等候入法庭，限15位傳媒進內，在場引起爭議。直至開庭前，有數十巿民獲派籌安排在庭外等候進入法庭，可惜在開庭前一刻，約下午2時40分時，突然有工作人員宣佈：「因為傳媒佔用咗位置，公眾位只得3個。」在場巿民即鼓譟不滿，有人忍不住爆粗，等候者紛紛鬧爆：「30位變3位？」、「冇位就唔好派飛啦！」、「等咁耐先話冇？唔一早講？」特意前來聲援的Tommy也只能在庭外隔空支持。
    採訪：卓寶花
    攝影：仇志德、廖達燊
    -----------------------------
    打國際線 《蘋果》英文版免費試睇 按此了解更多
    英文版已登錄新版《蘋果》App按此下載/更新
    empty
    （攝影：仇志德）
    empty
    Tommy今午和沙田區區議員石威廉到東區裁判法院聲援被捕人士。
    empty
    Tommy坦言每次有朋友出事，都會擔心。
    empty
    Tommy與劉穎匡擁抱，希望可令對方安心一點。
    empty
    Tommy指劉穎匡今次比較緊張。
    empty
    王宗堯稍後到場。
    empty
    王宗臨入法院前，脫下太陽眼鏡，接受大家祝福。
    empty
    由於法庭限制入場人數，Tommy只能在法院外等。