日本型男速水直道嘅28歲演員胞弟表久禎昨日被捕，據警方消息指，表久禎涉於今年6月駕車駛至東京大田區時，突然停車與一名47歲男司機發生爭執，仲將對方打至重傷，傷者頭部及胸部嚴重受傷，需接受兩個月治療，事件令速水直道嘅形象受到影響。

表久禎曾挾速水直道細佬之名入行，不過演藝發展並不如意，三年前轉行到珠寶公司工作。今日早上，表久禎身穿粉紅色衫由蒲田警署被送往檢察廳，電視台公開片段後，觀眾與網民發現表久禎外型與出道時簡直判若兩人，發福後變成一個肥大叔，望落仲比33歲嘅速水直道還要成熟，話佢48歲都有人信。