張學友歷時兩年多的「A Classic Tour學友．經典世界巡迴演唱會」，共233場演出，前晚在紅館圓滿落幕。學友今次更創下華人巡迴演唱會的紀錄，太太羅美薇、大女張瑤華及多位捧場的圈中好友見證歷史時刻。

學友致謝時特別指向女兒位置說：「多謝屋企人，過去兩年對我包容同支持。」瑤華即拍掌並以雙手放頭頂做出心形動作。學友又在台上說：「唱歌係我呢生人……」之後便雙眼通紅、情緒激動，再以手輕抹眼淚，哽咽說：「我想繼續進步，唔想停喺度，我係好唔捨得，想同團隊繼續演出。」

「有種失業感覺」

學友於騷後接受訪問，他無奈說：「有種失業嘅感覺，第一件事諗聽日點，下個禮拜又點，都冇嘢做喎。」但學友依然以家人為重，他指是時候將自己交回給家人。他又透露前晚尾場時全家人有捧場：「老婆都有嚟，佢坐喺控制台上面，大女睇咗十幾場，細女睇咗5、6場，因為要返學唔可以睇太多。」

問到大女是否已成fans？學友甜笑說：「係呀，佢以前唔係㗎，所以算係今次一個收穫，最主要係令我哋多啲話題傾。佢都有畀意見，但唔係好專業，冇乜參考價值。」瑤華睇足十幾場，可有興趣唱歌？學友說：「冇乜可能，又唔可以話冇，每個人都可以嘅，但佢唔係鍾意表演嗰種。」
採訪：馬建華
攝影：陳慧安