關秀媚孖任達華拍《賊王》露點 《黑馬王子》「沙律」多人記得
沙律關秀媚賊王黑馬王子
今年50歲嘅關秀媚87年選港姐出身,雖然當年冇得到任何獎項,不過都成功簽約無綫入行。不過佢喺無綫發展麻麻,之後就轉攻大銀幕拍電影。
到95年,關秀媚同任達華合演三級片《賊王》,當中有多場床上激戰,亦有濕身露點鏡頭,所以備受關注。98年佢憑《每天愛你8小時》入圍台灣第35屆金馬獎「最佳女配角」,之後更成為「晶女郎」,參演《龍在江湖》、《龍在邊緣》、《電影鴨》等電影。
到99年演出《強姦終極篇之最後羔羊》,以及喺《黑馬王子》中飾演「沙律」一角,同張家輝嘅一段情更加令觀眾留下深刻印象。
到05年左右關秀媚淡出娛樂圈,主力做投資,更有指佢舊年以4,050萬買入干德道一個豪宅,睇嚟生活都無憂。