一名清潔工人不忿地向本報投訴,他在惠康清潔滅蟲有限公司任職清潔工人,理應每月有四天例假;半年前公司更改休假通知的制度後,員工均怨聲載道。
他說,一直以來,惠康清潔滅蟲公司均會預先編排員工每月的休息日,並於更期實施前,通知各員工每個月的休假日期,以便員工自行安排私人時間。但約半年前新主管上任後,員工便不再預先獲知休假日期,令他們難以預先安排私人時間。
「完全唔顧員工感受」
「幾時放假都唔知,日日返工都好似等抽獎揭盅咁,唔通做清潔工人,就冇權為自己安排時間?」
他稱,員工均感到非常不滿,但負責人堅持己見,不肯改善。「真係好離譜,完全唔顧員工感受,鍾意你幾時放、你就要幾時放,分分鐘幾日例假好唔平均咁聚埋一齊,咁你其他啲日子就有排捱。」
他形容各人是敢怒而不敢言,他稱,由於公司是承包食環署工作的外判清潔公司,有員工曾暗中向食環署投訴,盼食環署能伸張公正,但毫無結果,又擔心「冇咗份工,保唔住個飯碗,惟有死忍囉!」
本報就清潔工人的投訴,多次聯絡惠康清潔滅蟲有限公司,但至截稿仍未獲回覆。