每年台灣樂隊五月天嘅「五月之約」，均吸引五迷瞓身打持久戰，帶來帳篷、摺凳及紙皮於門外露營通宵排隊等買飛，事關佢哋總要對抗排隊黨!

五月天今年5月將喺迪士尼樂園舉行6場露天演唱會，門票今日公開發售，因預計一票難求，上周已有市民歌迷通宵排隊，上周六凌晨零，有市民喺尖沙嘴金馬倫里通利琴行外排隊時，遭孟加拉排隊黨打傷，為照顧「五迷」安全，主辦機構噚日發出聲明，指已要求警方屆時協助維持秩序。

今早九點幾，尖沙嘴通利琴行門外，已有近百人排隊，大部份為年青人，不過就有一班南亞裔人士在旁，16位「五迷」團結手挽手築成「人鏈」，防止排隊黨打尖，不過於早上10點系統故障，要十點半再先開賣，一眾「五迷」暫時喺門外守候。

精選娛聞，喺晒《娛果》
http://fb.com/appledailyent