施匡翹（Zaina）今日到商台宣傳新歌《耳仔軟》，她稱開始時對歌名有點抗拒：「份詞係周耀輝老師填，係講人生成日都會遇到好多選擇同矛盾。」正一邊讀書一邊唱歌的她笑言，情況跟自己有點相似：「有時都要抉擇走唔走堂好，所以唱呢首歌時就代入咗呢個感受，人要透過唔同困惑先再可以認識自己。」

講到農曆新年，她表示今日工作完就會收爐放假，又稱剛剛才知藝人入行後要派開工利是：「我仲以為自己仲係收利是，本身諗住配合首歌整朱古力送畀大家算，不過我仲未揀到用咩利是封。」

另外，大台藝員黃庭鋒亦現身商台接受鄭裕玲的節目訪問，坦言感緊張：「之前未同過Do姐合作，今次第一次正式同佢傾偈，之前都係喺台慶見過，節目搵我時我都好surprise。」又透露做埋今日工作後就放年假，可惜因腸胃敏感，故新年時都不敢食得油膩：「因為之後要做嘢，所以唔敢食。」

採訪、攝影：曹家誠