都好耐冇試過咁嬲！商務及經濟發展局今日宣佈，同意增發兩個免費電視牌照，分別係now同有線，王維基苦心經營嘅香港電視宣佈被out，真係冇天理。不過，香港人就係有打不死精神，只要有夢想，總有機會翻到身。　　　撰文：蘇芬妮

1.記住今日慘痛教訓，轉化為日後創新求變嘅原動力。
2.先搞網上電視台，劇照拍，人照請，一於同tvb、atv死過！
3.當然劇集要有質素，再用傳媒影響力吸納電視迷。
4.拍攝關於社會民生嘅劇集，揭示香港黑暗嘅一面（eg.高官劣績、官商勾結）
5.劇集有draw，廣告同收入自然嚟。
6.再唔係賣劇集版權囉，當初邊有人估到《半澤直樹》咁收得。
7.有咗固定收入，先同你玩財技，全力收購亞視吖笨！到時想播乜就乜，亦唔使翻播亞姐。
8.劇集千祈咪跟TVBstyle，玩強姦、沖涼、BBQ嗰啲實唔及TVB。
9.發起公民抗命，同政府作個了結。
10.全力走向民主道路，爭取普選趕走無能特首。