「我只係想做個正正常常嘅差人……」港產電影《黑白道》中，張家輝飾演的男主角，經歷8年卧底生涯後復職，但遭同袍和上司投以不信任目光，連女友也離他而去，最終變成邊緣人，結局更面對警察追捕，投降後被仇家槍殺而死，劇中留下這句對白令人欷歔。

現實中，卧底警阿成完成任務重返警隊後，也曾經歷此痛苦，以為功成身退復職，壓力會隨之而逝，但原來這並不是結束，而是另一個考驗的開始。他不但被同袍質疑是黑社會潛入來的「變節警」而遭杯葛；且復職後見回昔日認識的古惑仔，又被罵作「二五仔」，他形容這兩年「過冷河期」可謂兩面不是人。

「睇電視《學警狙擊》Laughing哥做完卧底復職，伙記會拍手掌歡迎歸隊，我都以為係咁，但現實並唔係！」由古惑仔變回警察，阿成亦如其他卧底一樣，獲警務處長頒發嘉許狀，惟回復警察身份後，先被安排做文職，然後調往刑事部，目的是令他可以24小時陀槍保護自己，之後再調去反黑組，被安排處理較熟悉的範疇，但萬料不到，他被調入刑事部時竟遭同袍杯葛，「佢哋唔想俾我知查緊乜嘢重要case，例如開會，老闆會事先安排我做其他工作，當我返來時，佢哋已經開完會，咁大家都知乜嘢事啦！」

每天被同袍當作「透明人」，幾乎連食早餐也沒預他，「呢兩年過冷河期真係好難捱，因為同事唔知你係咪真係做番自己，還是係無間道，變成黑社會卧底！」他直言不開心：「咪當自己係一個新人，同事唔識你囉，重頭開始，但我同自己講一定要捱過呢個時間！」結果他憑工作表現，漸漸取得同袍信任。

除面對同袍的排擠，阿成還要受盡古惑仔的冷嘲熱諷，「我都想好似Laughing哥咁有型，復職後見返啲古惑仔，仲叫你Laughing哥，但現實佢哋只會叫你二五仔咋！」他說嘴巴生在別人上，「咪由佢講囉，我自己同自己交代到就得啦！」

你敢爆，我敢獎！ 立即WhatsApp《蘋果》24小時爆相爆片熱線 或致電：63836568