美國小天后Ariana Grande將於本周四（21日）假亞博開騷，明晚會先踏上台北小巨蛋開唱，而佢為首個台灣個唱已經喺噚日秘密訪台。

Ariana五月於英國曼徹斯特體育館開騷時發生炸彈恐襲，佢重新展開世巡之後，日本同韓國開騷都嚴陣以待，Ariana行蹤亦相當神秘，噚日佢就秘密搭坐私人飛機抵步。Ariana透過Instagram分享與工作人員喺台灣嘅片段，可以見到佢飲珍珠奶茶，又有到信義區貨櫃市集食蛋仔。據指Ariana隨行工作人員約60人，而佢訪台之前其隨行工作人員事先到台灣核對安檢規格，力求做足安全措施。