喺利物浦公佈簽入羅馬翼鋒穆罕默德沙拿嘅同一日，紅軍隊友菲臘比古天奴同艾拔圖摩蘭奴就唔得閒迎接佢，皆因兩位fd子近排去咗巴西玩，早幾日先參觀完基督像，呢日又登山影靚景，仲有位神秘嘉賓驚喜合照，認唔認得中間嗰位係乜水？

冇錯，就係現年35歲、有「皇帝」之稱嘅前巴西重炮射手阿祖安奴啦！雖然阿祖安奴高峯期短暫得令人惋惜，經過國際米蘭同帕爾馬嘅出色表現後漸走下坡，去年加盟美國球隊邁阿密聯後無聲無息喺球壇蒸發。不過，見古仔放上ig呢張相，阿祖安奴冇晒大肚腩，身形比想像中「弗」得多，分分鐘出嚟踢低組別聯賽都夠殺，難怪古仔亦稱呼佢做「Imperador」，就係皇帝咁解囉！