當年今日
關於我們

【足動世盃】鍾情德國因為大眼仔

蘋果日報 2018/06/04 02:00

俄羅斯咬人蘇2018世盃施丹頭槌張嘉殷劉嘉瑋我們的世界盃

不要以為小情侶睇世界盃,一定是想二人世界,Gary同嘉殷就鍾意約一大班朋友在屋企一齊睇一齊開心,今屆世界盃,二人大拗手瓜,各有不同愛隊,嘉殷二話不說支持衛冕的德國,而熟波的Gary即時出現選擇困難症,在法國同西班牙二選一,他選了西班牙,無論如何,看誰的眼光夠獨到呢?
記者﹕徐嘉華
攝影﹕王子俊
場地提供:BALL ROOM
嘉殷說:「我們不鍾意靜雞雞得兩個人去睇波,亦不慣去pub,嫌太嘈,所以會找一班朋友一齊在屋企睇,好似四年前世界盃蘇亞雷斯咬人,如果得我們兩個撐枱腳睇,最多你指住我,我指住他笑,同一大班人狂笑、一齊分享那份喜悅的開心程度差好遠,睇四年一度的世界盃,就是為開心而開心嘛。」
說起要捧的世界盃球隊,嘉殷對德國情有獨鍾,同Gary一樣,都是阿仙奴球迷的她說:「德國隊雖然好『屈機』,我四年前睇過這隊波,他們組織無對手、又鍾意奧斯爾,所以想德國隊再贏,雖然我除了英超同西甲,好少睇其他聯賽,但一直覺得德國的門將不錯。」
至於Gary被問到世界盃愛隊時,突然出現選擇困難症,看他數說自己的「愛將」:「我小時候好欣賞恩尼斯達,但他老了,亦已離開巴塞,好彩他入選西班牙國家隊,而之前,迪亞高哥斯達有紀律問題,亦入選世界盃,還有星級門將迪基亞、元老球星沙治奧拉莫斯,成支西班牙都好勁,只是欠前場;我亦想勁如美斯贏一次世界盃,但美斯再勁都撐不起整支阿根廷,希古恩唔生性、中場線又不夠勁;法國我都鍾意,有前阿仙奴球員基奧特,他好有鬥心,陣中又有基士文,又覺得好有機會。」
現實是殘酷,世界盃冠軍只得一隊,要Gary從一堆選擇中走出來選一個,他說了西班牙,一個理由:「西班牙所有球員我都好鍾意,他們有華麗的踢法、若配合到組織,這隊波好易入球。」
--------------------
《體蘋果》陪你睇波講波
https://www.fb.com/appledailysports
--------------------
王道日本足球手機遊戲《BFB CHAMPIONS 2.0》,日本國家隊實名登場! http://bit.ly/2xrTKGM
empty
嘉殷(左)與劉嘉緯對今屆世盃各自有貼士,當中嘉殷因為奧斯爾所以鍾情德國。
empty
西班牙陣中粒粒皆星
empty
德國屬衛冕球隊