今日係端午節，中國傳統都會食吓糭，而 華人置業前主席劉鑾雄（大劉）嘅太太甘比，噚日亦好有心，以劉鑾雄慈善基金會名義，到深水埗向長者們派糭。

劉太甘比今早喺ig貼咗幾張佢噚日到深水埗派糭嘅相，佢留言話：「祝大家端午節快樂！昨天帶了小朋友們到深水埗派糭給公公婆婆們，很有意義及開心，希望大家也擁有一個溫暖愉快的節日！」噚日喺父親節，甘比都好有心咁抽空帶小朋友落區體驗生活，向公公婆婆送暖，認真有善心。

其實甘比都唔係第一次落區送暖，之前復活節，佢曾到深水埗開了一間以母親劉葉淑婉命名的「劉葉淑婉紀念自修中心」，派發親手造的曲奇及蛋糕送給區內兒童，希望他們可度過一個愉快的復活節。當時甘比表示：「劉生同我都唔係大富大貴嘅家庭出身，我喺公屋長大，一直希望飲水思源，回饋社會。」(新聞連結： https://bit.ly/2HVCoqk )

精選娛聞，喺晒《娛果》
http://fb.com/appledailyent