【洗米仔大計】拍賣app似網上賭場 龐氏騙局?「你侮辱咗我!」
周柏豪周焯華洗米華Oction一仙拍賣
太陽娛樂老闆「洗米華」周焯華大仔周柏豪參考美國的一仙拍賣(Penny Auction)創立拍賣app「Oction」,聲稱希望讓市民以1折的價錢購物,惟Oction整個玩法猶如一個「網上賭場」。
對此周柏豪受訪時反問記者,「一早都知啦,而家先同我講呢啲?一早都知呢件事係有運氣嘅成份喺裡面,你唔係同我講呢個係一個shopping website下嘛。」有大律師就指,Oction的業務有博彩成分,很可能違反《賭博條例》。
所謂的「一仙拍賣」,就是由0元底價,每一次叫價(bid)都只會上升0.01元,而用戶每落一個bid就要用1個Credit,如果在出價後10秒內都沒有人再出價,就可羸得這件產品。而Oction每一個Credit的價錢為0.8至4元。
「你係咪都要買電話架啦,係咪都7,000蚊架啦,做咩唔試吓可唔可以喺呢度用15蚊買到,再唔係你贏唔到嘅,咪用7,000蚊原價買返,下次再用過嗰啲Credit,再bid其他嘢囉。」周柏豪強調,Oction是提供一個機會讓人以1折,甚至低於一折的價錢買到心頭好。
然而,每一個Credit就有如籌碼,用作「下注」落bid,羸家可以以低價買到iPhone等貴價產品,而輸家將失去其籌碼,整個玩法猶如網上賭場。大律師霍嘉誌認為,Oction很大機會觸犯現行的《賭博條例》(另見稿)。
對於這個說法,周柏豪辯稱,「賭場有得輸,呢度冇得輸」。但事實上,如果不以原價購買產品就會輸掉Credit,他反指「係,因為你貪心呀嘛!係咪先,你都唔需要買但係要嘅,係咪輸得抵。」
被問到是否做「莊家」的角色,周柏豪直認不諱「可以咁講啦,我唔否認啦,你講得咁清楚」,強調網站從來沒打算隱瞞,玩家由第一日就應該知道網站的性質,「好透明,你未玩之前,你已經知道玩緊咩」。他對於「賭場」這個說法毫不在意,「我唔道歉啊,係喎你真係有得輸,咁玩遊戲大家都知規矩架啦,要冇得輸喎,咁點玩呢個遊戲,咁我輸囉,係咪先。」
2015年香港有類似的一仙拍賣網「Bid出彩虹」被揭發涉及層壓式推銷手法造成龐氏騙局(另見稿),周柏豪聽罷指「你同我比就好似侮辱咗我」 ,指兩者的模式不同,對方最後更出現「冇貨交」的情況,認為「就係呢啲人,做衰晒個模式」。
一般人對Oction或會同樣有騙局的印象,周柏豪指,難以控制其他人的印象「如果我驚呢啲野,我就唔使拋頭露面,呢個產品nothing to be ashamed of,最緊要就係我哋問心無愧。」他更指「係咪騙局呢,你要玩下先知!」
掌握財經生活資訊,即Like「蘋果ATM」fb專頁啦!
http://fb.com/appledailyatm
Oction玩法猶如網上賭場,洗米仔周柏豪:「賭場有得輸,呢度冇得輸」(黃耀興 攝)
Oction喺App Store有得download