在長和前主席李嘉誠宣布退休一年之後，恒地主席李兆基亦在上周宣布退休，由兩位兒子李家誠及李家傑接任為恒地聯席主席，公司最高領導有定案，對公司又好，對投資者都好，理論上是一件好事，事實上，消息公布後，恒地股價亦都向上。

事實上，四叔早已過著半退休生活，每日上班嘅時間不多，下午返公司，晚飯前一定返屋企，甚至有時唔會返公司。其實都已經不太涉及公司營運，所以對公司營運影響不大。今次退休，只係連返嗰幾個鐘都慳返。

以前恒地分工，就係家誠主理香港業務，家傑主管中國業務，在恒地並將恒基中國私有化之前，外界一直以為他們兩兄弟將來會一人掌管一間上市公司，在恒地私有化恒基中國之後，接班又再成為問題。

今次李兆基宣布退休安排與李嘉誠不同，恒地接班按排事前無放風，即使係傳媒多次問到李兆基本人，他頂多只係講一句，「一家人好團結」。今次聯席主席表面上好似就接班人一事定案，不過，就算今次安排短期內唔會出現爭產，兩位接班人仍有一大堆問題需要解決。

從公司內部管治方面，與其他從上一代手上接手生意的第二代一樣，公司必定有一大堆跟隨父親一起打江山的 老臣子，在這些老臣子中，當然會有太傅角色，牌面上，這個角色由林高演擔任的機會較大，若林高演在四叔退休後都退下火線，對公司影響較大，故未必短期內退下來。

至於其他老臣子，雖然一早知道公司遲早是兩位太子，但在他們眼裡就是由細睇到大嘅世姪，兩位接班人未來能否駕馭這些老臣子會是一大難題。過往嘅恒地，四叔或林高演由代表，一直得到股東、投資者嘅信任，日後李家誠及李家傑能否一樣服眾，相信對兩位而言將會是一個難題。

散子
-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-------------------------
星期一至五晚上10點半
《動腦Q》Let's Q the money！
http://bit.ly/2QW8LcI