當年今日
關於我們

【蘋馬圈】老苗搏邊隻一睇就知(潘寧峰)

蘋果日報 2015/05/19 06:00

【蘋馬圈】老苗搏邊隻一睇就知(潘寧峰)

苗禮德近期頻部署中年馬搏殺得手,如「金錢路」、「好事必得」、「雄心巨龍」等,表面上勤跑唔知邊場先係真,但其實減到有利評分,就即刻搵個大師傅交代,當然有「大將風馳」呢類搏失例子,但整體以此方法推斷,極少失手。
今期第六場「珍珠有利」就係呢類減夠分即換大師傅之馬。睇番上場絕不失禮,出閘後受阻,導致位置比預期後,遇到頭兩段超慢步速,由於此馬不擅鬥爆一段,能跑第四收貨有餘。睇番今場形勢,預計「精算率然」、「卡加動力」、「星運俊爵」會搶,2檔之「珍珠有利」會輕鬆守黃金包廂位,好跑到暈,係交代時候。
第二選要「明多多」,雷神經常可將外檔馬迅速游到二疊,有快步速幫助亦有權爭WIN。
相反,「精算率然」體重急升非好事;至於「巴基小子」10檔被迫留後,韋達騎此類外檔後上馬,唔係受阻就留得太後追唔切,估計呢隻都係。