恭喜恭喜。本地騎師蔡明紹昨日與Christine結婚，兩人已註冊。今朝在跑馬地試閘見到不少騎練向蔡明紹恭賀，蔡明紹的父親透露，昨日蔡明紹舉行的小型婚禮，只邀請相熟親友和告東尼伉儷，八月他們將去英國再辦婚禮慶祝。估不到蔡明紹如此浪漫，特別挑選2014年1月3日結婚，寓意「愛你一生一世」，好甜蜜。
蔡明紹結婚並非一時衝動，自從年前經馬主朋友介紹認識Christine後，一直相處愉快，去年暑假已經訂婚，其後更雙雙前往峇里及沖繩島等地旅遊，並且早已計劃今年暑假結婚，之不過上月傳來喜訊妻子懷孕，於是決定提早拉埋天窗，今年暑假舉行婚宴，屆時擺埋BB滿月酒，到時肯定更開心。
昨日婚禮完結後，蔡明紹冇放假或休息，明日照常策騎出賽，敬業樂業，佢話熱愛騎師工作，除咗得到師傅告東尼及廐內馬主支持，同馬房上下共事融洽，希望明日贏馬賀一賀。