韓國天團BIGBANG成員勝利一向喜愛夜蒲，不時被人影到去夜店或者攬女。而噚日勝利隨BIGBANG成員移師到台灣舉行粉絲見面會，再次被台灣媒體爆料指勝利完騷後喺酒店開慶功宴，現場仲有多名模特兒同網絡紅人陪同。

據《中國時報》報道指，勝利噚晚完成第一場見面會後，立即返到下榻嘅文華東方酒店總統套房，喺裡面舉行慶功宴。報道稱：「據爆料人士指，現場唔見G-DRADON、太陽同大成，但就有多位模特兒同網絡紅人出入，出入時更有工作人員嚴格管理，除咗要安檢，更唔可以帶手機入去。」報道又指因人多口雜，唔少人喺Party結束後不避嫌地大讚勝利普通話講得好，又評論酒店提供嘅嘢食，所以勝利開慶功宴嘅消息先會傳出。