竹笙健康賀年食品

蘋果日報 2002/01/26 00:00


新年雖然話要食得好啲,但矜貴嘅鮑魚、魚翅未必人人買得起,其實唔食鮑魚、魚翅嘅話,亦有其他好選擇,竹笙都係其中一種擺得上枱作為宴客或自食嘅素菜。
價錢比鮑魚、魚翅經濟之外,其營養價值重好高,有降血壓、降膽固醇療效,新春肥膩餸菜多,食清爽嘅竹笙都係一件好事,特別係老人家,少肥膩為佳。竹笙食法多,可炒、扒、燴、釀等等,不過因為佢本身味淡,最好配以味濃嘅配料一齊烹調。

記者:陳冰麗

$140-$160斤
各大雜貨店有售
浸海參切忌有油
海參原來係一種高蛋白、低脂肪、低膽固醇嘅食品,老少都啱食。買咗乾嘅海參返去係需要浸發過至可以烹調。而喺浸嘅過程中必須謹記浸嘅器皿無油膩,水內唔可以加鹽,否則烹製時易散爛;而浸到發大後,必須去腸,不然海參會有腥味。

記者:陳冰麗 攝影:伍慶泉