【星期六13】充滿激情的一周，歐聯先有阿仙奴終極大敗出局，再有巴塞世紀反勝晉級，讓大家再次了解足球本身就充滿不可能，同樣在澳職的比賽中，一樣充滿驚喜，就像光輝的賽事，往往都成就大比數交收。
勝利與光輝今季合共射入87球，即平均每場每隊射入兩球，是一個非常高的數字，兩隊進攻點多而且前線把握力高，我認為是澳職較具特色的球隊。勝利有貝利沙搭馬高洛查士；光輝就有卡斯度、基奧治配泰加特。雙方攻力旗鼓相當，「首名入球」每一個都不值博，中位數[3.5]的入球「大」可作穩陣注項，更加可以留意半場[1.5]的入球「大」，因為光輝習慣半場已有交收，最近五場，場場如是，絕對值博。

愚人節約你睇波

由2000年加入有線體育台，見證過不少足球睇波派對，例如深夜在意大利餐廳辦過米蘭打吡睇波活動，更試過連續30日在九龍灣展貿做過世界盃嘉年華，當然少不了英超的雙紅會睇波活動。
每次直接與球迷互動，感受深刻直接，因為他們的意見反應不再需要隔空想像，澳職睇波活動大概是以年度一次計，人數也越來越多，今季的睇波活動將會在四月一日舉行，放心，不是愚人節活動，是真正的「娛人」睇波，作為A-Team主持的我，希望當日可以見到大家，想知報名詳情，可瀏覽我們澳職facebook專頁(A-League CH64)了解。
立民
有線球彩台主持