袁嘉敏同王寶寶（春卷 左）噚日喺荃灣出席有線電視新節目開鏡，活動上佢哋分享咗啲被騙經驗，袁嘉敏喺呢一年遭假冒身份，用佢個名同圈中人聯絡，企圖取得工資同贊助，佢話：「圈中好多人俾佢呃咗，我已經報咗警，佢用好多低俗嘅藉口，影響我聲譽。」春卷就話：「有朋友試過喺一間英國模特兒公司做嘢，俾人偷拍好唔開心，我最多就係上網識男仔而貨不對辦。」
撰文：馮仁昭