名模周汶錡（Kathy）的法籍老公Julien Lepeu早前被影到當街啜女，Kathy沉默10日，昨晚終於在IG首度開腔暗示會原諒老公，相信「愛」能改善彼此關係。身為妹妹周勵淇(Niki)當然不敢多講半句，但她昨日亦有更新IG，透露自己待產的近況，貼了一張有陽光照射的靚相，留言：「很久不見大家，今日是星期天，天氣很好，終於可以曬曬太陽，補充一下維他命。」

40歲的Niki與大陸男星傅浤鳴拍拖一年左右閃婚，今年初宣佈懷有身孕，隨即停工休息，加上最近武肺疫情肆虐，她索性留家，足不出戶避「炎」兼安胎。她說：「但我也沒有外出選擇留在家，還自家製兒時的最愛炒銀針粉和豉油王炒腸粉，唔知大家細個有冇食呢？我本人就好鍾意食，自己整味道唔錯。其實在家一啲都唔悶，嘗試在家找點樂趣，希望疫情盡快過去，大家一起努力加油，很想念大家」。估計Niki現時懷孕5個多月，但她一直保持神秘，未有晒孕肚，只有大頭相，不過網民仍讚她：「冇乜腫仲咁靚。」
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》